Ӑмӑртӑва Тутар, Мари республикисенчен, Самар, Мускав тата Чулхула облаҫӗсенчен ушкӑнсем ҫитнӗ. Спортсменсем тӗрлӗ ӳсӗмре тупӑшрӗҫ. Аэробика тата степ-аэробика енӗпе кӗрешӳ уйрӑмах хӗрӳ пулчӗ. Пӗрисем тӳресене тӗлӗнмелле кӑсӑклӑ номерсемпе, илӗртӳллӗ хусканусемпе, теприсем интереслӗ костюмсемпе тыткӑнларӗҫ.
Чӑваш Енри фитнес-аэробика федерацийӗн ертӳҫи Оксана Вербина республикӑри спортсменсем ӑмӑртусене лайӑх хатӗрленнине, тӗрлӗ ӳсӗмре ҫитӗнӳсем тунине палӑртрӗ. Фитнес аэробикӑна ҫӳрекенсемшӗн маунтинбайк центрӗнче иртнӗ ӑмӑрту - кӑҫалхи пӗрремӗш пысӑк тупӑшу. Умра - Раҫҫей тата Европа шайӗнчи чемпионатсем.
Елена Дмитриева, Виктор Степанов
