Ҫула тухас умӗн Чӑваш Енӗн пӗрлештернӗ ушкӑнӗ 7-мӗш Олимп шкулӗнче тренировка ирттерчӗ. Пӗлтӗр пъедесталӑн чи ҫӳллӗ картлашки ҫине хӑпарнӑскер, кӑҫал та вӑл чемпионат ята вӗҫертесшӗн мар. Пирӗн спортсменсем иртнӗ 5 ҫулта пысӑк ҫитӗнӳсем тунӑ, ӑмӑртусенчен медальсӗр пӗрре те таврӑнман.
Ушкӑнра 25 спортсмен. Иртнӗ ҫулпа танлаштарсан, вӑл самай ҫӗнелнӗ. Ку йышра ҫамрӑксем те, хальччен пысӑк ӑсталӑх пухнисем те пур. Патшалӑх Канашӗн ертӳҫи Леонид Черкесов вӗсене ӑнӑҫу сунчӗ. Регболистсене Тав хучӗсемпе чысларӗ, ҫӗнӗ спорт формисем парнелерӗ.
Диана Иванова, Вячеслав Ильин
