Пӑрачкав тӑрӑхӗнчи ҫак ҫӗрсем ҫинче темиҫе ҫул хыт-хура кашланӑ, никама та кирлӗ пулман вӗсем. Халӗ пӑхса ытарма ҫук - тыр-пул пусси хумханать. Пысӑк тухӑҫ пухса илес шанӑҫ пысӑк, - теҫҫӗ ҫӗр ӗҫченӗсем. Вӑрлӑхӗ - паха, ҫӗрӗ кунта пулӑхлӑ. Пӑрачкав тӑрӑхӗнче паянхи кун тӗлне пин ытла гектар усӑ курман ҫӗр. Районта ыттисемшӗн тӗслӗх предприятисем пурри аван. "Россы-Поречье" хуҫалӑхра, сӑмахран, ҫум-курӑк пусса илнӗ лаптӑк ҫук.
Алиса Александрова, Наталия Егорова, Димитрий Макаров
