Çак ăмăрту сумĕ пысăк. Унта çĕнтерекенсем спорт мастерĕ ята тивĕçеççĕ.
Елена Дмитриева, Надежда Андреева, Вадим Владимиров, Владимир Синдеев
Чăваш Ене пĕтĕмпе 16 регионтан 130 спортсмен пуçтарăннă. Икĕ кун вĕсем Олимп резервĕн 5-мĕш спорт шкулĕнче тĕрлĕ категорире вăй виçрĕç. Турнирта пĕтĕмпе медальсен 10 пуххине выляттарчĕç. Ăмăртăва хутшăнакансене Николай Гавриловпа Вячеслав Бочаров Раççей Геройĕсем, ирĕклĕ майпа кĕрешес енĕпе Олимп чемпионĕсем хавхалантарчĕç.
Чăваш Ен кĕрешӳçисем пĕтĕмпе 9 медаль çĕнсе илчĕç. Турнир çĕнтерӳçисене Кубоксем, дипломсемпе парнесем парса чысларĕç.
Хăнасем авăн уйăхĕнче уçăлнă Чăваш Ен кадет корпусĕнче пулса курчĕç. Николай Гаврилов вĕренӳ учрежденийĕ кунран кун улшăнса пынине палăртрĕ. Кунта ачасене тивĕçлĕ пĕлӳ пама, тĕрлĕ енлĕн аталантарма чаплă майсем тунă. Вячеслав Бочаров кадетсемпе паттăрлăх урокĕ ирттерчĕ. Вăл хăйĕн пурнăçĕ çинчен каласа кăтартрĕ, ыйтусене хуравларĕ, çавăн пекех вĕренекенсем Раççей историне тата Çар ĕçне еплерех пĕлнине тĕрĕслерĕ.
Раççей Геройĕн, Николай Гаврилов генерал-лейтенантăн парнисене çĕнсе илессишĕн турнирĕ иртрĕ
