Ҫакӑн пирки ятарлӑ службӑна раштавӑн 2-мӗшӗнче ирхи 10 сехетре хыпар килнӗ. Ҫӗнӗ Шупашкарти ҫӑлав станцийӗн специалисчӗсем аэроботпа вырӑна туххӑмрах ҫитнӗ. Шупашкар тата Сӗнтӗрвӑрри ҫӑлавҫисем те нумай кӗттермен. Ҫапла ҫирӗпленсе ҫитмен пӑр ҫинче тухма пултарнӑ инкеке сирсе яма май килнӗ.
Нумай пулмасть Атӑл леш енче те пӑтӑрмах тухнӑ. Телее, шыв айне кайма пуҫланӑ ҫынна асӑрханисем пулнӑ, ҫӑлса хӑварнӑ. Ҫанталӑк сивӗтсе пырать пулин те, пӑр хулӑнӑшӗ хальлӗхе шанчӑклӑ мар. Ҫавӑнпа та ҫӑлавҫӑсем тимлӗ пулма ыйтаҫҫӗ.
Алиса Александрова, Святослав Петров
