Хаваслӑ юрӑ-кӗвӗ, ялтӑркка тӗссем, ансат хусканусем... Пухӑннисем ташӑ урлӑ ҫуран ҫӳрекенсемпе водительсене ҫул ҫинче йӗркене ҫирӗп пӑхӑнмаллине кӑтартрӗҫ. Флешмоба 300 яхӑн ҫын хутшӑнчӗ. Вӗсен йышӗнче пултарулӑх ушкӑнӗсем, шкул ачисемпе студентсем. Ташӑ-юрӑ композицине проект валли "Небелица" ушкӑна ҫӳрекенсем хатӗрленӗ. Ҫуллахи каникул вӑхӑтӗнче ачасен пушӑ вӑхӑт нумай, вӗсем урамра ытларах пулаҫҫӗ, ҫавӑнпа ҫул-йӗр правилисене пӑхӑнни, хӑрушсӑрлӑх йӗркисене асра тытни пӗлтерӗшлӗ. Водительсен те хӑвӑртлӑха пысӑклатмалла мар, ҫуран ҫӳрекенсем ҫул урлӑ каҫнӑ вырӑнсенче уйрӑмах тимлӗ пулмалла. Республикӑра кӑҫалхи 5 уйӑхра 5 пине яхӑн авари пулнӑ. Ҫуран ҫӳрекенсен айӑпӗпе сиксе тухнӑ 40 ытла инкеке шута илнӗ. 16 ҫула ҫитменнисемпе 46 пӑтӑрмах пулнӑ.
Диана Иванова, Дмитрий Макаров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=\"Амазони\" паркра \"Чӑваш Ен ҫул-йӗр хӑрушсӑрлӑхӗшӑн\" ятпа ташӑ флешмобӗ иртрӗ &mh_tags=флешмоб,танцы,&mh_page=http://chgtrk.ru/novosti/politika/amazoni-parkra-chavash-en-cul-yer-harushsarlaheshan-yatpa-tasha-fleshmobe-irtre/){kind=small}