Николай Мартынов - Тури Шурҫырма старости. Ҫак тивӗҫе вӑл хӑй ҫине икӗ ҫул каялла тиенӗ. 26 ҫул Агрегат заводӗнче ӳнерҫӗ пулса тӑрӑшнӑскер йӗри-тавра илемлӗх хуҫаланнине юратать. Ҫавӑнпа ҫӑлкуҫа та хӑтлӑлатасшӑн. Эскизне хатӗрленӗ ӗнтӗ. Староста тӑрӑшнипе ялта чылай ӗҫ тунӑ. Тури Шурҫырма историпе кӑсӑкланнӑ май, тӗлӗнмелле пулӑмсене уҫӑмлатнӑ. Ҫак вырӑнта Ҫӗпӗр ҫулӗ иртнӗ, иккен. Историе ҫамрӑк ӑру асӑнче хӑварас тӗллевпе хӑйнеевӗрлӗ палӑк лартнӑ. Николай Мартынов халӗ авиаци палӑкӗ уҫас шухӑшпа пурӑнать.
Вероника Павлова, Святослав Петров
