Регион ертӳҫи Олег Николаев хушӑвӗпе ака уйӑхӗн 20-мӗшӗнчен социаллӑ учрежденисем уйрӑм йӗркепе ӗҫлеҫҫӗ. Коронавирус инфекцийӗ сарӑласран ҫапла йышӑннӑ. Шупашкарти ҫул ҫитменнисене пулӑшу кӳрекен центрта 4 ҫултан пуҫласа 16 ҫула ҫитнӗ 19 ача пурӑнать. Халӗ вӗсем тӑванӗсемпе телефонпа кӑна ҫыхӑнма пултараҫҫӗ. Центрта хӑнасене йышӑнмаҫҫӗ. Кунта ӗҫлекенсем ачасен вӑхӑтне кӑсӑкла та усӑллӑ ирттерме тӑрӑшаҫҫӗ. Кашни куна зарядкӑран пуҫлаҫҫӗ.
Елена Дмитриева, Никита Углев
