Сӑмах май, унччен акцие кашни ҫулах уҫӑ сывлӑшра ирттернӗ. Кӑҫал сивӗ пулнипе, ташӑҫсене шӑнтас темен. Ара, чылайӑшӗ 40-мӗш ҫулсене аса илтерекен тум-тирпе килнӗ: арҫынсем - ҫар тумӗпе, хӗрарӑмсем ҫуллахи илемлӗ кӗпесемпе.
Ташӑ уявӗнче - тӗрлӗ ӑрурисем. Юрий Кузнецов пӗрре мар акцие хутшӑнать. Ҫичӗ ҫул каялла урамра ӑнсӑртран ташланине курнӑ та, хӑйне тӗрӗслеме шутланӑ. Халӗ ҫу уйӗхӗн 9-мӗшӗнче Ҫӗнтерӳ вальсӗнче ҫаврӑнасси - уншӑн ырӑ йӑла. Аслӑ ӑрурисенчен ҫамрӑксем те юлмаҫҫӗ. Лебедевсен ҫемйи пуриншӗн те ырӑ тӗслӗх пулчӗ.
Сӑмах май, ташӑ чӗлхипе ветерансене тав тума 2015-мӗш ҫулта пуҫланӑ. Акцие Раҫҫейре ҫеҫ мар, кӳршӗллӗ ҫӗршывсенче те йӗркелеҫҫӗ. Чи кирли - ӑста шайӗнче ташлани мар, Аслӑ Ҫӗнтерӗве мӗнле хакпа ҫывхартнине, уншӑн мӗнле савӑннине туйса илесси.
Вероника Павлова, Вадим Владимиров
