Геннадий Александровпа ҫарта пӗрле пулнисемпе юлташӗсем кашни ҫул утӑ уйӑхӗнче пухӑнаҫҫӗ, салтакри пурнӑҫа аса илеҫҫӗ. Ҫамрӑклах пӑшал тытса ҫапӑҫма тивнӗ вӗсен. Геннадий Александров 180-мӗш полкӑн 108-мӗш мотострелоксен дивизийӗнче сержант пулнӑ. Хӑюлӑхне, тавҫӑрулӑхне кура ӑна взвод командирӗн ҫумӗ пулма шаннӑ. 1980-мӗш ҫулхи утӑ уйӑхӗнче Газни провинцийӗнче хӗрӳ ҫапӑҫу пынӑ. Пирӗн салтаксене душмансем хупӑрласа илнӗ. Геннадий ыттисене хӳтелес тесе тӑшмана пӑшалтан пеме пуҫланӑ. Анчах ӑна хӑйне вилмелле амантнӑ. Утӑ уйӑхӗн 26-мӗшӗнче Генӑн пурнӑҫӗ татӑлнӑ.
Алена Артемкина, Иван Макеев
