Пиртен кашниех Ҫӗнӗ Ҫул умӗн ӳсӗме кура мар асамлӑха ӗненет. Ачасем фронтри арҫынсене те чуна ӑшӑтакан ырӑ туйӑмсем кирлех тесе шутлаҫҫӗ. Ҫавӑнпа ҫамрӑк ӳнерҫӗсенчен пухмача 20 пин ытла открыткӑпа ҫыру килсе ҫитнӗ. Кашнинче - саламлӑ йӗркесем. Стена хаҫачӗсенче - уйрӑм ушкӑнсем ырӑ сунни. Вӗренӳ учрежденийӗсем ачасене мӗн енӗпе хушма пӗлӳ панине кура хӑйсен ӑсталӑхне пархатарлӑ ӗҫре усӑ курас тенӗ.
Управҫӑ-пуканесем, кучченеҫсем - пӗрле чиксе ҫӳреме, кӑмӑла ҫӗклеме. Ҫанталӑк сивӗтсе пынӑ май салтаксене ӑшӑ япаласем кирлӗ. Ачасем ҫакна та шута илнӗ. Гуманитари пулӑшӑвӗ пуҫтарнӑ пункта 30 пин ытла тӗрлӗ ҫи-пуҫ илсе пынӑ. Тумтире типӗтме, апат пӗҫерме тата ӑшӑтма пулас сварщиксем пысӑках мар кӑмакасем туса хатӗрленӗ.
Гуманитари пулӑшӑвӗ раштав уйӑхӗн 16-мӗшӗнче ҫула тухӗ. Ачасемпе ҫамрӑксем хӑйсен кучченеҫӗсемпе тум-тир, тӗрлӗ хатӗр салтаксен чунне те, ӳт-кӗлеткине те ӑшӑтасса шанаҫҫӗ.
Алиса Александрова, Вадим Владимиров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Уйӑх каялла республикӑра "Пӗрле" фонд пуҫарӑвӗпе "Ачасем салтаксене" акци вӑй илнӗ&mh_tags=акция,&mh_page=http://chgtrk.ru/novosti/obshchestvo/uyah-kayalla-respublikara-perle-fond-pucaravepe-achasem-saltaksene-akci-vay-ilne/){kind=small}