Квадрокоптерсене Улатӑртан республикӑри Халӑх фрончӗн уйрӑмне илсе ҫитерчӗҫ. Кӗҫех вӗсене салтаксем патне ӑсатӗҫ. "Электроприбор" завод пархатарлӑ ӗҫе хастар хутшӑнать. Малтанах окоп ҫуртисем валли банкӑсем пуҫтарма пуҫланӑ. Халӗ фронт валли кирлӗ хатӗрсем туянассине йӗркеленӗ.
Дронсем ятарлӑ ҫар операцинчи салтаксене питӗ кирлӗ. Завод коллективӗ 10 ҫухрӑма яхӑн вӗҫме пултаракан, территорине сӑнакан тата тӑшмансене тӗп тума пултаракан копторсене туяннӑ. Ку вӗҫев хатӗрсем ҫинче ятарлӑ камерӑсем те пур. Вӗсем салтаксене мӗн пулса иртнине курма май параҫҫӗ. Квадрокоптерсене фронта ҫитес эрнере ӑсатма палӑртаҫҫӗ.
Оксана Верликова, Игорь Ульянов
