Вӑрманкас Пайкилт ялӗнчи Маяковски урамӗнче пурӑнакансем кунта хытӑ сийлӗ такӑр ҫулпа нихӑҫан та утса курман. Йӗпе-сапара яланах пылчӑк ҫӑрнӑ. Кӑҫал халӑх пуҫарӑвӗн программипе тинех ҫул тума йышӑннӑ. Унӑн тӑршшӗ - пӗр ҫухрӑм ҫурӑ. Хакӗ 2 миллион та 60 пин тенкӗ ытла. Укҫан 10 процентне - 280 пин тенкине - ялта пурӑнакансем пухнӑ. Строительсем ӗҫе пуҫӑнсан халӑх тинех ҫул пулать тесе хӗпӗртенӗ. Анчах савӑнӑҫ нумая пыман - объекта вӑхӑтра хута ярайман. Туса пӗтермен ҫулпа техника ҫӳренӗрен урам варринче пылчӑк ҫӑрӑлма пуҫланӑ.
Алена Артемкина, Михаил Солин
