"Урӑх ӑру" ятлӑ кӗнеке - монопалиндромсен пуххи. Унти мӗнпур сӑвӑ малтан та, хыҫалтан та пӗр пек вуланать. Германири Галле университечӗн вӗрентекенӗ, вырӑс тата ют ҫӗршыв авангардне тӗпчекен Сергей Бирюков ҫапла ҫырать: "Марина Карягина хӑйӗн поэтла сисӗмӗпе тата ирӗклӗ кӑмӑлӗпе чӑвашпа вырӑс сӑмахне чи тарӑн, атомла шайӗнче пӑхӑнтараять". Автор хӑй каланӑ тӑрӑх, палиндромсем ҫырасси чун ыратнипе пулса тухнӑ.
Тепӗр кӗнеки - "Вӑхӑт тараси". Унта тӗрлӗ хурӑмпа ҫырнӑ лирикӑллӑ хайлавсем. Кашни сӑвӑра авторӑн пуян чӗлхи тӗлӗнтерет. Саламлама килнӗ хӑнасем Марина Карягинан пултарулӑхри ӗҫӗ-хӗлӗпе киленнине палӑртрӗҫ. Татах та ҫӗнӗ кӑларӑмсем тухасса кӗтнине пӗлтерчӗҫ.
Алена Артемкина, Михаил Солин
