Конкурс республикӑри ҫамрӑк юрӑҫсене пӗр сцена ҫинче пӗрлештерӗ. Вӗсем тӑван ҫӗршыва юратнине юрӑ урлӑ кӑтартӗҫ. Тупӑшу 3 номинаципе иртет: пӗччен юрлакансем, ансамбльсем тата хорсем. Унта 7-рен пуҫласа 17 ҫулчченхи ачасем хутшӑнма пултараҫҫӗ. Заявкӑсене ака уйӑхӗн 4-мӗшчен электронлӑ почтӑпа йышӑнаҫҫӗ. Ачасен пултарулӑхне сумлӑ тӳресем хак парӗҫ: Раҫҫей халӑх артисчӗсем, профессорсем, наука кандидачӗсем, культурӑн тава тивӗҫлӗ ӗҫченӗсем, пӗтӗм тӗнчери конкурссен лауреачӗсем. Финала тухнисем ака уйӑхӗн 29-мӗшӗнче Чӑваш патшалӑх филармонийӗнче иртекен гала-концерта хутшӑнӗҫ. Тӗплӗнрех кун пирки пирӗн телерадиокомпани сайтӗнче пӗлме пулать.
Диана Иванова, Андрей Шоклев
