Кашни кандидатпа специалистсем куҫа куҫӑн калаҫаҫҫӗ, килӗшӳ условийӗсемпе паллаштараҫҫӗ. Пулас салтак 18 ҫулта тата унран аслӑрах пулмалла. Ҫавӑн пекех сывлӑхпа ӳт-пӳ енчен тивӗҫтермелле. Вӗсем тӗрлӗ ҫӑмӑллӑхпа усӑ курма пултараҫҫӗ. Сӑмахран, банкра ӗҫлекенсем суйлав пунктӗнчех ҫӗнӗ картта уҫса тата маларах илнӗ кредита тавӑрмалли йӗркене улӑштарса параҫҫӗ. Урӑх ҫӗршыв ҫыннисен вара гражданство илесси ҫӑмӑлланать. Медкомисси тухнӑ вӑхӑтра суйлав пунктӗнчех пурӑнма пулать. Ҫакӑ аякран килнисемшӗн меллӗ. Килӗшӳ алӑ пуссан вара ҫӗршыв хӳтӗлевҫисене хатӗрленӳ курсне яраҫҫӗ. Унта вӗсем ҫарти пӗр-пӗр специальноҫе алла илеҫҫӗ, тӗрлӗ хӗҫ-пӑшалпа усӑ курма хӑнӑхаҫҫӗ.
Леонид Петров, Денис Пахмутов, Андрей Шоклев
