Хӑйнеевӗрлӗ курав 3 куна пынӑ. Шупашкарти Трактор историйӗн музейӗ хӑнасем патне 21 ӗлӗкхи техника илсе кайнӑ. Вӗсен хушшинче сайра тӗл пулакан "Форд", "Порше", "Джон Дир" тата Совет Союзӗнче кӑларнӑ тракторсем пулнӑ. Экспонатсемпе 10 пине яхӑн ҫын паллашнӑ. Беларуҫе республикӑран пысӑк делегаци кайнӑ. Музейра ӗҫлекенсемпе пӗрлех "Ҫавал" фольклорпа эстрада тата "Фантом" ташӑ ушкӑнӗсем пулнӑ. Вӗсем куракансене чӑваш юрри-ташшипе илӗртнӗ. Хӗрсенчен тӑракан Паша Ангелина ячӗллӗ ушкӑн вара авалхи тимӗр утсем ҫинче хӑнасене трактор-шоу кӑтартнӑ.
Диана Иванова, Алексей Енейкин, Владимир Синдеев
