Андриян Николаев ячӗллӗ 10-мӗш шкулта кун евӗр тӗлпулу чылайранпах йӗркелемен. Ҫакна ӑнланма пулать. Тӑван ҫӗршывӑн Аслӑ вӑрҫин ветеранӗсен шучӗ республикӑра 100-тен те чакрӗ. Евгений Беляев хӑйне аванах туять. Ҫавӑнпа та вӑй ҫитнӗ таран патриотла ӗҫ-пуҫа хутшӑнма тӑрӑшать. Паттӑрлӑх урокне вӑл Раҫҫейри ветерансен союзӗн Чӑваш Енри уйрӑмӗн ертӳҫипе Виталий Осиповпа килчӗ. Ҫар ҫыннисем шкул ачисемпе тӗл пулассине хӑйсен тивӗҫӗ тесе йышӑнаҫҫӗ.
Алексей Енейкин
