“RT” шкулӗ Чӑваш Енри чи сумлӑ хыпарлав хатӗрӗсенче вӑй хуракансене пухрӗ. Тӗлпулӑва студентсемпе район хаҫачӗсенче тӑрӑшакансенчен пуҫласа регион пуҫлӑхӗн пресс-службинче ӗҫлекенсем таранах хутшӑнчӗҫ. Вӗсене тӗнче шайӗнче ӑнӑҫлӑ ӗҫлекен "RT" ушкӑнӑн чи пултаруллӑ специалисчӗсем вӗрентрӗҫ. Ӑсталӑх сехечӗсем тӗрлӗрен вӑйӑ евӗр хӑнӑхтарусемпе пуян пулчӗҫ. Тӗп тӗллев - журналистсене пӗр-пӗр пулӑм пирки ҫырнӑ чухне чи кӑсӑклӑ самант тупса ытти хыпарсенчен уйрӑлса тӑракан материал хатӗрлеме вӗрентесси. Ҫав вӑхӑтрах вӑл тӗрӗс тата пуриншӗн те вулама е курма интереслӗ пулмалла. Нарӑсӑн 12 тата 13-мӗшӗнче «RT» шкулӗ Шупашкара тепӗр хут килет. Ун чухне ятарлӑ курс тухнисене сертификат парса чыслама палӑртнӑ.
Алексей Енейкин, Вероника Павлова, Игорь Ульянов
