Хӗрлӗ Чутай шкулӗнче хӑнасене тарават кӗтсе илчӗҫ. Малтанах пӗлӳ учрежденин ӗҫӗ-хӗлӗпе паллашрӗҫ вӗсем. Тӑван халӑх йӑли-йӗркине упраса хӑварас тесе нумай тӑрӑшаҫҫӗ кунта. Шкулта "Чӑваш пӳрчӗ" музей ӗҫлет. Ҫитӗнекен ӑрӑва патриотла воспитани парасси те тӗп вырӑнта. Шкулта кадетсен класне йӗркеленӗ. Ачасене пур енлӗн аталантарма пӗлӳ ҫуртӗнче майсем ҫителӗклӗ. Ҫакна канашлӑва хутшӑнакансем хӑйсем курса ӗненчӗҫ. Вӗренӳ учрежденийӗсене хӑтлӑлатас ыйтӑва ларура сӳтсе яврӗҫ.
Елена Дмитриева, Оксана Верликова
