Вӗсен ӗҫ кунӗ кӗске инструктажран пуҫланать. Ятарлӑ ҫи-пуҫ тӑхӑнса чӗннӗ ҫӗре тухса кайма хурала кӗреҫҫӗ. Шӑнкӑрав пулсанах палӑртнӑ вырӑна васкаҫҫӗ. Хальхинче, акӑ, Хевеш урамӗнче вырнаҫнӑ апат-ҫимӗҫ лавккинчи сигнализаци янӑраса кайрӗ. Тӑхтаса тӑма вӑхӑт ҫук. Водитель кӗске ҫул суйласа ушкӑна чӗнсе илнӗ ҫӗре илсе ҫитерет. Йӗрке хуралҫисем лавкка ҫаратакана вырӑнтах тытса чараҫҫӗ. Ҫапла майпа иртнӗ 10 уйӑхра ҫеҫ Раҫҫей гвардийӗн хастарӗсем ҫакӑн евӗр йӗрке пӑснӑ икӗ пин ҫурӑ тӗслӗх шута илнӗ, 300 ытла киревсӗр ӗҫе чарнӑ.
Алексей Енейкин, Денис Пахмутов, Андрей Шоклев
