Ҫавӑн пекех республика ҫыннисем фронтри салтаксене сунара ҫӳремелли пӑшал парнелеме пултараҫҫӗ. Ӑна Росгвардин Чӑваш Енри Управленийӗнче йышӑнаҫҫӗ.
Ятарлӑ ҫар операцине хутшӑнакансем палӑртнӑ тӑрӑх, сунарҫӑ пӑшалӗпе тӑшмансен дронӗсене персе антарма меллӗ. Саккунпа килӗшӳллӗн, ҫынсем хӑйсен хӗҫ-пӑшалне ҫар нушисем валли пама пултараҫҫӗ. Ҫакна Раҫҫей гварди уйрӑмӗн лицензипе ирӗк парас енӗпе ӗҫлекен центр урлӑ тумалла. Кунта документсене кирлӗ пек йӗркене кӗртме тата хӗҫ-пӑшала ҫар чаҫӗсене ӑсатма пулӑшаҫҫӗ. Нумай пулмасть кӑна сунар пӑшалӗсене фронта илсе ҫитернӗ. Салтаксем куншӑн республикӑра пурӑнакансене тав тунӑ.
Ирина Николаева
