Республикӑри театр ӗҫченӗсен союзӗпе Ҫеҫпӗл ячӗллӗ Ҫамрӑксен театрӗ "Бумеранг добра" проект йӗркеленӗ
Унӑн тӗллевӗ - сцена ӳнерӗ урлӑ хавшак ачасемпе пӗччен ватӑсене хавхалантарасси. Ҫавна май артистсем ача ҫурчӗсене, коррекци учрежденийӗсене, психоневрологи интерначӗсемпе больницӑсене, ваттисен ҫурчӗсене ҫитсе спектакльсем кӑтартаҫҫӗ. Хальхинче вӗсем Шупашкарти 1-мӗш шкулта пулчӗҫ.
Ачасем спектакль курма шкулти спорт лаптӑкне пухӑнчӗҫ. Хаваслӑ сӑнарсем вӗсен кӑмӑлне тӳрех ҫавӑрма пултарчӗҫ. Куракансен сӑнӗнчен йӑл-кулӑ каймарӗ. Ҫамрӑксен театрӗн артисчӗсем Наталия Ахмедпа Алевтина Семенова ачасемпе "Эпӗ - актер" мастер-класс йӗркелерӗҫ. "Ҫарӑк" юмах кӑтартнӑ май вӑйӑ ирттерчӗҫ, вӗренекенсене те спектакле хутшӑнтарчӗҫ. Пурте хастарлӑх кӑтартрӗҫ.
Алена Артемкина, Николай Семенов
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Республикӑри театр ӗҫченӗсен союзӗпе Ҫеҫпӗл ячӗллӗ Ҫамрӑксен театрӗ \"Бумеранг добра\" проект йӗркеленӗ &mh_tags=дети,&mh_page=http://chgtrk.ru/novosti/obshchestvo/respublikari-teatr-ecchenesen-soyuzepe-cecpel-yachelle-camraksen-teatre-bumerang-dobra-proekt-yerkelene/){kind=small}