Хӗллехи 3 уйӑхра - раштавӑн пуҫламӑшӗнчен нарӑс вӗҫӗччен - студентсем республикӑри 7 муниципалтет округне ҫитсе ҫаврӑнма палӑртнӑ. Иртнӗ канмалли кун "Снежный десант" ушкӑн Элӗк тӑрӑхӗнчи Питӗшкасси шкулне килсе вырнаҫрӗ. Халиччен кун пек пысӑк йышпа тухса ҫӳремен вӗсем. Ыркӑмӑллӑх акцине чун ыйтнипе, пысӑк хавхаланупа хутшӑннӑ 45 хӗрпе каччӑ анлӑ программа хатӗрленӗ. Унта ачасемпе ӑсталӑх урокӗсем ирттересси те, ватӑсемпе сусӑрсене май пур таран пулӑшасси те.
