Республикӑра паянхи куна 3 пин ытла ветеран пурӑнать. Вӑл шутра Тӑван ҫӗршывӑн Аслӑ варҫине хутшӑннӑ 54 хисеплӗ ватӑ, тыл ӗҫченӗсем, ҫавӑн пекех Ленинград блокадинче тата концлагерьсенче пулнисем. Унсӑр пуҫне 42 пин ытла "Вӑрҫӑ ачи". Ҫӗнӗ центрӑн пӗлтерӗшӗ пысӑк пулни каламасӑрах паллӑ, терӗ Республика Пуҫлӑхӗ Олег Николаев. Унта ветерансене, ҫавӑн пекех истори чанлӑхне упрама пулӑшакан волонтерсене хатӗрлӗҫ.
"Ҫӗнтерӳ волонтӗресем" тӑтӑшах "Вӑрҫӑ ачисене", тыл ӗҫченӗсене пулӑшу кӳреҫҫӗ. Тӗрлӗ ӗҫ туса параҫҫӗ, сӑмахпа та йӑпатаҫҫӗ. Юхӑма 2015-мӗш ҫулта йӗркеленӗ. Унтанпа волонтерсен шучӗ ӳссех пырать. Йӗркелӳҫӗсем палӑртнӑ тӑрӑх, центр патриотла воспитани парас, ҫӗршыв историне тӗпчес, паттӑрсен ячӗсене асра тытас ӗҫе вӑйлатма пулӑшӗ.
Диана Иванова, Борис Андреев
