Кашни хӗрарӑм тимлӗхе, юратӑва, мухтава тивӗҫ. Ҫавӑнпа пӗтӗмлетӳ иртнӗ Филармони залне уява пухӑннисем хӗрлӗ кавир тӑрӑх утса кӗчӗҫ. Конкурса хутшӑнас текенсенчен ака уйӑхӗн 25-мӗшӗнчен пуҫласа ҫу уйӑхӗн 25-мӗшӗччен заявкӑсем йышӑннӑ. Ун ҫумне видеопрезентаци ҫирӗплетме ыйтнӑ. 2 минутра хӗрарӑмсен хӑйсем пирки, професси, ҫемйи, чун киленӗҫӗ ҫинчен кӑсӑклӑн каласа кӑтартмалла пулнӑ. Кашнин ӗҫне тӗплӗн тишкернӗ хыҫҫӑн 415 ҫынна малалла иртме ирӗк панӑ. Ӑмӑртӑва йӗркелекенсем - Культура министерстви, Хӗрарӑмсен Канашӗ, "Пӗрле" фонд - хӑйсен профессийӗнче, ыркӑмӑллӑх тата обществӑлла ӗҫре тӑрӑшулӑх кӑтартнисене тупса палӑртас, вӗсем пирки каласа парас тенӗ.
Алиса Александрова, Виктор Степанов, Вадим Владимиров, Игорь Ульянов
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Республикӑра иккӗмӗш хут иртнӗ "Эпӗ - хӗрарӑм" конкурс ҫӗнтерӳҫисем паллӑ&mh_tags=я женщина,конкурс,&mh_page=http://chgtrk.ru/novosti/obshchestvo/respublikara-ikkemesh-hut-irtne-epe---heraram-konkurs-centerycisem-palla/){kind=small}