Василий Антонов рядовоя Суворов медальне пачӗҫ. Тӑван ҫӗре сыхласси кашни арҫын тивӗҫӗ тесе шутлать вӑл.
Сергей Кантеевпа Игорь Николаев рядовойсене Жуков медальне парса вӑрҫӑ хирӗнче тӑшмана хирӗҫ паттӑррӑн тӑнӑшӑн тав турӗҫ. Маттур, ҫӗршыва юрӑхлӑ ывӑлӗсемпе ҫывӑх ҫыннисем те мӑнаҫланаҫҫӗ.
Регион ертӳҫи Олег Николаев чӑваш салтакӗсене те, ашшӗ-амӑшне, мӑшӑрӗсене тав туса ырӑ сунчӗ. Пирӗннисем часах ҫӗнтерӳ хыпарӗпе тӗрӗс-тӗкел те чӗрӗ-сывӑ таврӑнасса шаннине пӗлтерчӗ. Ҫавӑн пекех республикӑра салтаксене, кил-йышне пулӑшас йӗркесене аса илтерчӗ. Ятарлӑ ҫар операцийӗнчи арҫынсен ачисене стипенди парса тӑраҫҫӗ, тӳлевсӗр апатланма ирӗк пур, ытти пулӑшу та чылай. Хӗрӳ вырӑнтан таврӑннисемшӗн сиплев, сывлӑхне ҫирӗплетмелли майсене тӗп вырӑна хураҫҫӗ.
Алиса Александрова, Борис Андреев
