Чӑваш журналисчӗсен Союзӗн председателӗ Валерий Комиссаров каланӑ тӑрӑх, вырӑнти уйрӑмсенче - вӗсен шутӗнче чи пысӑккисем Чӑваш патшалӑх университетӗнче, Патшалӑх телерадиокомпанийӗнче тата районсемпе хуласенче - пайташсен шучӗ ӳссех пырать. Халӑх пурнӑҫӗнче сӑмах пӗлтерӗшӗ вӑйлансах тӑрать. Пухӑннисем нумай пулмасть пурнӑҫран уйрӑлса кайнӑ журналистсене ырӑ сӑмахпа аса илчӗҫ, ура ҫине тӑрса сума сурӗҫ. Хальхи съезд шучӗпе 20-мӗш. Ун умӗнхи 2015-мӗш ҫулта пухӑннӑ. Унтанпа чӑваш журналисчӗсен пурнӑҫӗнче нумай ырӑ ӗҫ пулса иртнӗ.
Александр Осипов, Юрий Стифонов
