"Управлени ушкӑнӗ" конкурса республикӑра 2020 ҫултанпа йӗркелеҫҫӗ. Кӑҫал унта хутшӑнма 71 ҫын кӑмӑл тунӑ. Вӗсен йышӗнче тӗрлӗ тытӑмра вӑй хуракансем: бизнесра, культурӑпа наукӑра, вӗренӳпе сывлӑх сыхлавӗнче тата ытти те.
Конкурса хутшӑнакансен республикӑн аталану ҫул-йӗрне палӑртас ӗҫе хутшӑнма тивнӗ. Вӗсем ушкӑнсем ҫине пайланса муниципалитет округӗсене туристсене илӗртессипе проект хатӗрленӗ. 5 ушкӑнран пӗрне Ҫӗрпӳ тӑрӑхӗ лекнӗ.
Ҫӗнтерӳҫӗсен проекчӗсене республикӑн аталану программине кӗртӗҫ. Ҫавӑн пекех мала тухнисем Чӑваш Енри управлени кадрӗсен резервне лекеҫҫӗ тата тӳлевсӗр вӗренме сертификата тивӗҫеҫҫӗ.
Оксана Верликова, Виктор Степанов
