Патшалӑх тата ведомство наградисемпе ҫӗршыври 15 регионти 23 йӗрке хуралҫине чысларӗҫ. Ҫӗнӗ Шупашкарти полици капитанӗ, патрульпе пост службин взвод командирӗ Сергей Ежов "Ҫынна ҫӑлнӑ чухне хӑюлӑх кӑтартнӑшӑн" медале тивӗҫрӗ. Чыслава Шалти ӗҫсен министрӗ Владимир Колокольцев видеоконференци мелӗпе ирттерчӗ. Наградӑна Сергей Ежова Чӑваш Енри Шалти ӗҫсен министрӗ Виктор Шметков пачӗ.
Кӑҫал ҫулла пирӗн республикӑра вӑйлӑ ҫил-тӑвӑл алхаснӑ вӑхӑтра полици капитанӗ Атӑл леш енче канакан 30-яхӑн ҫынна катерпа хӑрушсӑр вырӑна илсе каҫнӑ.
Диана Иванова
