Ятарлӑ поезд Ростов облаҫӗнчен Шупашкара ирпе ҫитрӗ. Пассажирсен йышӗнче тӗпрен илсен ватӑсем, ачасемпе хӗрарӑмсем. Вокзалта вӗсене Чрезвычайлӑ лару-тӑру министерствинче ӗҫлекенсем, медиксем, волонтерсем кӗтсе илчӗҫ. Чӑваш Ен 446 ҫынна хӑй хӳттине илчӗ, ҫав шутра 90 ача. Ҫынсем ҫула васкаса пуҫтарӑннӑ. Хутаҫсене чи кирлине кӑна хунӑ. Хӑшӗ-пӗри килти чӗр чунӗсене те хӑварман - пӗрле илсе тухнӑ. Донбасс тӑрӑхӗнчен тарса килнисене "Алый парус", "Мечта", "Салампи" санаторисенче тата "Вега" центрта вырнаҫтараҫҫӗ.
Екатерина Фомина, Екатерина Данилова, Виктор Степанов
