Фонда ятарлӑ ҫар операцийӗн кашни ветеранне, ҫапӑҫу хирӗнчен таврӑнайман салтаксен ҫемйисене тӗллевлӗ пулӑшу кӳрес шухӑшпа йӗркеленӗ. "Ҫавна май ҫак тапхӑрта пирӗн хӳтӗлевҫӗсене пур енлӗн пулӑшни, вӗсен ҫемйисене тӗрев пани тем пек пӗлтерӗшлӗ", - палӑртрӗ Олег Николаев. Фронтран таврӑннисен умне вун-вун ыйту тухса тӑма пултарать: ӗҫ тупасси, пӗлӳ шайне ӳстересси, тӗрлӗ тӳлеве илсе тӑма, ҫӑмӑллӑхпа усӑ курма кирлӗ хутсем пуҫтарасси.
Ҫакна тума ятарлӑ пӗлӳ илнӗ социаллӑ координаторсем пулӑшӗҫ. Фонд ҫар операцийӗнчен таврӑннӑ кашни салтака хӑй хӳттине илме хатӗр. Медицина пулӑшӑвне те кунтах кӳреҫҫӗ. Сывлӑха ҫирӗплетмелли ятарлӑ пӳлӗм пур, ҫавӑн пекех вӑхӑтлӑх усӑ курма кӳмесемпе, ытти хатӗрпе тивӗҫтереҫҫӗ. Аслисем хӑйсен ыйтӑвӗсене татса панӑ хушӑра ачасем вӑхӑта хаваслӑ та усӑллӑ ирттереҫҫӗ. Вӗсем валли те кӗтес пӑхса хунӑ.
Ҫар операцийӗн ветеранӗсемпе вӗсен ҫемйисене тӗрлӗ енлӗ пулӑшу кӳме Шупашкарта кӑна мар, республикӑри округсенче те йышӑну пӳлӗмӗсем ӗҫлеҫҫӗ.
Алиса Александрова, Виктор Степанов
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Паян Раҫҫейри "Ҫӗршыв хӳтӗлевҫисем" фондӑн республикӑри уйрӑмӗ ӗҫлеме пуҫларӗ&mh_tags=фонд защитники отечества,&mh_page=http://chgtrk.ru/novosti/obshchestvo/payan-racceyri-cershyv-hytelevcisem-fondan-respublikari-uyrame-ecleme-puclare/){kind=small}