Ҫулӑма хирӗҫ кӗрешекенсен ӗҫӗ нихӑҫан та ҫӑмӑл пулман. Ҫавӑнпа та ку тивӗҫе чӑн-чӑн паттӑрсем пурнӑҫлаҫҫӗ темелле. Вӗсен кирек хӑш вӑхӑтра инкеке лекнисене пулӑшма хатӗр тӑмалла. Уявра пушар хуралӗнче тимлекенсене чысларӗҫ, уйрӑмах тӑрӑшулӑхпа палӑрнисене хисеп хучӗсем, тав ҫырӑвӗсем тата ятарлӑ медальсем пачӗҫ. Йӑлана кӗнӗ йӗркепе массӑллӑ информаци хатӗрӗсенче ҫулӑма хирӗҫ кӗрешес ыйтӑва ҫутатассипе лайӑх ӗҫлекенсене те тимлӗх уйӑрчӗҫ. Чрезвычайлӑ лару-тӑру министерствин Чӑваш Енри управленийӗн ертӳҫи Валерий Зеленин парнесемпе пирӗн ӗҫтешсене те палӑртрӗ. Вӗсен йышӗнче Чӑваш радио шеф-редакторӗсем Ольга Туркайпа Екатерина Степанова тата Вадим Владимиров телеоператор.
Диана Иванова, Вадим Владимиров
