Хальхи вӑхӑтра округра пин те 545 вӑрҫӑ ачи пурӑнать. Ҫулӗсене кура мар вӗсен хулпуҫҫийӗсем ҫине йывӑр ӗҫ тиеннӗ. Кунне-ҫӗрне пӗлмесӗр, канӑҫ курмасӑр аслисемпе тан уй-хирте вӑй хунӑ вӗсем. Монумента ҫулталӑк ытла тунӑ. Проект авторӗ - вырӑнти ӳнерҫӗ, Раҫҫей тата Чӑваш Республикин культурӑн тава тивӗҫлӗ ӗҫченӗ Мидхать Шакиров. Палӑк пурӑнакан ӑрӑва несӗлсен ӗҫри паттӑрлӑхӗ, чун ҫирӗплӗхӗ пирки аса илтерсе тӑрӗ. Патӑрьелсемшӗн паллӑ та пӗлтерӗшлӗ ӗҫ-пуҫа пӗр минут шӑп тӑрса тата монумент патне чечексем хурса вӗҫлерӗҫ.
Алиса Александрова
