Ачасен ҫуллахи каникул пуҫланчӗ. Ирӗклӗ те хаваслӑ тапхӑр. Уяв аслисемпе кӗҫӗннисене пӗрлештерчӗ. Патӑрьелти паркра халӑх йышлӑ пухӑнчӗ. Кашни ӑру валли кунта тӗрлӗ ӗҫ-пуҫ йӗркеленӗ: концерт, вӑйӑсем, конкурссемпе ӑмӑртусем. Ҫак кун Патӑрьелте "Ачалӑх ячӗпе, ачалӑхшӑн" марафонпа килӗшӳллӗн "Аслисем - кӗҫӗннисене" проект пуҫарчӗҫ. Ыркӑмаллӑх ӗҫне Республикӑри хӗрарӑмсен канашӗ йӗркеленӗ. Акцие хутшӑнма ансат. Укҫана ятарлӑ шут ҫине кьюар-код урлӑ куҫарма пулать. Патӑрьелсем пухӑннӑ укҫапа кунти "Сказка" сатикре сцена вырнаҫтарма палӑртаҫҫӗ.
Алена Артемкина, Дарья Петрова, Вадим Владимиров
