Кӑҫал ӗҫ тата социаллӑ хӳтӗлев министерстви пандеми вӑхӑтӗнче республикӑра пурӑнакансене пулӑшассипе ытларах вӑй хунӑ. Вӑл шутра нумай ачаллӑ ҫемьесене пысӑк тимлӗх уйӑрнӑ. Социаллӑ тӳлевсене индексациленӗ, 3 ҫултан пуҫласа 7 ҫул тултарнӑ ачасемшӗн хушма пособи ҫирӗплетнӗ, амӑш капиталӗн виҫине ӳстернӗ. Ҫапла ҫулталӑк пуҫланнӑранпа 260 пин ҫемье 2 миллиард тенкӗлӗх тӗрлӗ пулӑшӑва тивӗҫнӗ. Кӑҫал нумай ачаллӑ тата сахал тупӑшлӑ ҫемьесене ҫӗнӗ вӗренӳ ҫулӗ умӗн кашни вӗренекеншӗн хушма 5 пин тенкӗ парӗҫ. Шкула хатӗрленме укҫа-тенкӗ чылай кирлӗ. Ҫавӑнпа та ҫак пулӑшу питӗ вырӑнлӑ пулӗ.
Елена Дмитриева, Семен Антонов
