Чӑваш Енри хӗрарӑмсен Канашӗ йӗркелекен конкурс сумӗ ҫулсерен ӳссех пырать. Кӑҫал унта студентсенчен пуҫласа тивӗҫлӗ канурисем таранах, ҫавӑн пекех тӗрлӗ профессире тӑрӑшакан пӗр пин те 26 хӗрарӑм хутшӑннӑ. Вӗсем хушшинче аннесем, асаннесемпе кукамайсем.
Конкурсра кашниех хӑйӗн пултарулӑхӗпе паллаштарма, профессири маҫтӑрлӑхне кӑтартма пултарчӗ. Чи пултаруллисене 12 номинацире палӑртрӗҫ. Сасӑлав вара кӑҫал телефонпа иртрӗ. Эрне хушшинче 100 пине яхӑн шӑнкӑрав йышӑннӑ. Конкурса хутшӑнакансене Республика Пуҫлӑхӗ Олег Николаев саламларӗ.
Кӑҫал тупӑшура икӗ ҫӗнӗ номинаци пулчӗ. Ятарлӑ ҫар операцинчи салтаксен мӑшӑрӗсемпе амӑшӗсем валли "Кӗт мана" тата ҫӗршывӑн тӗрлӗ кӗтесӗнче пурӑнакан ентешсем валли - "Чӑваш Енре ҫуралнӑ".
Чӑваш Енри хӗрарӑмсен канашӗн председателӗ Наталья Николаева ҫитес ҫул конкурсӑн пӗрремӗш юбилейӗ - 5 ҫул пулнине, ҫавна май хутшӑнакансен шутне 2 пин ытлана ҫынна ҫитерме палӑртнине пӗлтерчӗ. Кӑҫал финала тухнисене вара дипломсемпе асӑнмалӑх парнесем тата ҫӗкленӳллӗ кӑмӑл-туйӑм парнелерӗҫ.
Оксана Верликова, Дарья Ананьева, Екатерина Янгалакова
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Оперӑпа балет театрӗнче "Эпӗ - хӗрарӑм" конкурсӑн финалӗ иртрӗ&mh_tags=я женщина,чувашия,&mh_page=http://chgtrk.ru/novosti/obshchestvo/operapa-balet-teatrenche-epe---heraram-konkursan-finale-irtre/){kind=small}