Олег Мустаев пиртен 56 ҫултах уйрӑлса кайрӗ. Ҫак ӗненме йывӑр усал хыпар пуриншӗн те пысӑк кӗтменлӗх пулчӗ. Олег Николаевич тӑван халӑхӑн эткерлӗхне упраса хӑварас тӗлӗшпе чылай пархатарлӑ ӗҫ туса хӑварчӗ. Умӗнче вара калама ҫук пысӑк тӗллевсемччӗ. Анчах та ҫур ҫул каялла кӗтмен ҫӗртен унӑн чӗри тапма чарӑнчӗ. Вӑл пуҫланӑ ырӑ ӗҫсене халӗ юлташӗсем малалла тӑсаҫҫӗ. Хисеплӗ ентешне асӑнса вӗсем тӗрлӗ тӑрӑхра асӑну каҫӗсем ирттерчӗҫ. Олег Мустаев ҫуралса ӳснӗ Елчӗк районӗнче, Чӗмпӗрпе Шупашкарта тӗрлӗ ӗҫ-пуҫ йӗркелерӗҫ. Вӑл йышра тӗп хулари Ҫеҫпӗл Мишши музейӗнче те.
Алексей Енейкин, Александр Герасимов
