Наци тӗрри-эрешӗ чӑвашсен историне, тӗнчекурӑмне, йӑли-йӗркине туллин сӑнарлать. Тӗрлӗ ҫӗвӗпе илемлетнӗ кашни япала кӑмӑла ҫӗклет, чунра мӑнаҫлӑх туйӑмӗ ҫуратать.
Флешмоба хутшӑнас тесен «Вконтакте» е «Телеграм» социаллӑ тытӑмра #яичувашскаявышивка хэштегпа палӑртса чӑваш тумӗпе ӳкерӗннӗ сӑн вырнаҫтармалла. Сӑнӳкерчӗксене музей пӗр ҫӗре пухса коллаж йӗркелӗ. Чӳк уйӑхӗн 26-мӗшӗнче хӑйӗн сайтӗнче тата социаллӑ тытӑмра вырнаҫтарӗ. Чи нумай лайк пуҫтарнӑ, куракансене пуринчен те ытларах килӗшнӗ ӗҫ авторӗ Наци музейӗн парнине тивӗҫӗ.
Алиса Александрова
