Шупашкарччен ҫак курав ҫӗршыври 9 хулара пулнӑ. Ҫак тапхӑрта хӑлха илтменнисен шӑплӑх тӗнчипе 55 пин ытла ҫын паллашнӑ. Хӑйнеевӗрлӗ музея Мария Айзина йӗркеленӗ. Пурте расна пулин те пӗр-пӗрне ӑнланни пӗлтерӗшлӗ, тет вӑл. Кунта килекенсем шӑв-шавран хӳтӗлекен хӑлхалӑх тӑхӑнса калаҫмасӑр ку е вӑл япалана тата мӗн туйнине ӑнлантарса параҫҫӗ
Кунта килнисем пӗр-пӗринпе алӑпа хусканусем туса - пантомима мелӗпе пӗр-пӗринпе калаҫаҫҫӗ. Хӑнасемпе ҫавӑн пекех мастер-класс ирттереҫҫӗ. Унта вӗсем шӑккалатран канфет е тутлӑ шӑршӑ кӑларакан амулет хатӗрлеҫҫӗ. Музейри экскурсоводсем хӑйсем те хӑлха илтменнипе аптраҫҫӗ. Апла пулин те вӗсем хӑнасемпе калаҫаҫҫӗ. Пурте пӗр-пӗрне ӑнланаҫҫӗ.
Экспозици кӑрлач уйӑхӗн 29-мӗшчен ӗҫлет. Куракансемшӗн вӑл кӑсӑклӑ пуласси иккӗлентермест йӗркелӳҫӗсене.
Алена Артемкина, Екатерина Петрова, Анна Филиппова, Святослав Петров