Телее, ку вӑл вӗренӳ пулнӑ. Чрезвычайлӑ лару-тӑру министерствин регионти уйрӑмӗ ҫапла майпа халӑх йышлӑ пухӑнакан нумай хутлӑ ҫуртсенче пушар тухас пулсан ӑна тӗп тумалли хӑнӑхӑва тепӗр хутчен ҫирӗплетрӗ. Юлашки вӑхӑтра общежитисенче "хӗрлӗ автан" алхасни пирки час-часах хыпарлаҫҫӗ. Бригада вырӑна кӗске хушӑрах ҫитрӗ. Пӑрӑхсене вут тухнӑ тӗле тӑсса ҫитерме ҫӑлавҫӑсене тепӗр темиҫе минут кирлӗ пулчӗ. Ҫурт умӗнче оперштаб йӗркеленӗ. Унта Шупашкарти гарнизон ӗҫне пысӑка хурса хакларӗҫ.
Алиса Александрова
