Усал вирусран сыхланса килте пулмалли йӗркене уйрӑмах ват ҫынсене пӑхӑнма ыйтаҫҫӗ. Урама тухманни кӑна мар, хӑна-вӗрле те пухма юрамасть. Ҫапла, Елчӗк районӗнчи Аслӑ Пӑла Тимеш ялӗнче пурӑнакан Ирина Ермакова 100 те 5 ҫулхи юбилейне кӗтсе илчӗ. Малтанласа ҫак куна йышлӑ мӑнукӗсемпе уявлама палӑртнӑ вӑл. Хӑш-пӗринпе нумайранпа курса калаҫман. Анчах та усал чирпе ҫыхӑннӑ лару-тӑрӑва пула тӑванӗсемпе пӗр кӗрекере савӑнма май килмерӗ, тет хисеплӗ ватӑ. Сумлӑ юбилейе пӗрле пурӑнакан хӗрӗпе кӑна паллӑ тума тивнӗ.
Алексей Енейкин, Вадим Владимиров
