Коронавирус суйлав участокӗсен ӗҫне те витӗм кӳрет.
Чӑваш Республикинче вӑхӑтлӑх суйлав участокӗсен шутне икӗ хута яхӑн чакарнӑ. Малтан вӗсене 14 лаптӑкра йӗркелеме палӑртнӑ - 12-шне больницӑсенчесенче, тепӗр 2-шне - следстви изоляторӗнче. Анчах та хӑшпӗр сиплев учреждени "хӗрлӗ зонӑра" пулнӑ май, вӗсенче сасӑлав ирттерме май ҫук. Республикӑра пурӗ 1108 суйлав участокӗ тата 7 участок граждансем вӑхӑтлӑх пурӑнакан вырӑнсенче йӗркелеҫҫӗ. Аса илтеретпӗр, авӑн уйӑхӗнче Чӑваш Енре Патшалӑх Думин депутачӗсемпе пӗрлех республика парламенчӗн - Патшалӑх Канашӗн депутачӗсене суйлаҫҫӗ. Раҫҫей Думин суйлавне 14 партипе 18 уйрӑм кандидат, Патшалӑх Канашӗн - 10 партипе 100 ытла уйрӑм кандидат хутшӑнаҫҫӗ. Сасӑлав виҫӗ кун - авӑн уйӑхӗн 17-мӗшӗнчен пуҫласа 19-мӗшчен пырать.
Диана Иванова, Игорь Ульянов
