«Кӑҫалхи репертуара коллектив "Мухтавлӑ ентешсен ҫулталӑкне" халалласа хатӗрлерĕ», - тет ансамблӗн пултарулӑх ертӳҫи Кирилл Кассович. Программӑра ҫӗнӗ юрӑ-ташӑ сахал мар. Ушкӑнра ҫамрӑксем чылаййăн. Концерт никĕсĕнче - чӑваш классикӗсен ярӑмӗсем. Ӑна хатӗрлекенсем яланхи пекех йӗркене пӑхӑнса ӗҫлеҫҫӗ. Пӗччен юрлакан юрӑҫсем, вокал ансамблӗсем хальхи композиторсен юррисене те шӑрантараҫҫӗ. Ташӑсенчен Анатолий Музыкантов лартнă "Ял ҫамрӑкӗсем" ятли илемлӗ те хавхалануллӑ курӑнать. Концерт Филармони керменӗнче чӳк уйӑхӗн 2-мӗшӗнче пулать.
Александр Осипов, Димитрий Макаров
