Курав залне кӗнӗ-кӗмен мунча алӑкӗ леш енче ача йӗнӗ сасӑ тата Эпи карчӑк пиллени илтӗнет. Ҫемьери ҫӗнӗ чун, ҫӗнӗ ҫын та ҫак тӗнчене мунчара килнӗ. Чӑвашсен кун-ҫулӗнче ҫак вырӑн чӑн та пысӑк пӗлтерӗшлӗ пулнӑ. "Хутса кӗрсе ҫӑвӑнса тасалма кӑна усӑ курман ӑна", - теҫҫӗ экспозиципе паллаштаракансем. Кӑсӑкли, халиччен пӗлменни-чухламанни куравра темӗн чухлӗ. Мунча пирки каласа паракан курав Наци музейӗнче юпа уйӑхӗччен ӗҫлӗ.
Алиса Александрова, Михаил Солин
