Вӗсем юрлама, ташлама ӑста, спортпа туслӑ тата юратнӑ ӗҫе ӑнӑҫлӑ туса пыраҫҫӗ. Конкурсра ӗҫчен, нумай ачаллӑ ҫемьесем хӑйсемпе паллаштарчӗҫ. Кил-йышра кам мӗнпе кӑсӑкланать, канмалли вӑхӑта мӗнле ирттереҫҫӗ, куна епле йӗркелеҫҫӗ - ҫакна сцена ҫинче кӑтартса пачӗҫ. Конкурсра ултӑ ҫемье ӑмӑртрӗ. Пӗтӗмлетӳ тӑрӑх, Черновсем - чи пултаруллисем, Сандыркинсем - чи туслисем. Атӑл тӑрӑхӗнчи конкурсра вара республика чысне Львовсен пысӑк ҫемйи хӳтӗлӗ. Вӗсем 9 ача ҫитӗнтереҫҫӗ. Халь Львовсем Шупашкарта ҫӗртме уйӑхӗнче иртекен "Атӑл тӑрӑхӗнчи чи ӑнӑҫлӑ ҫемье" конкурс финалне хатӗрленеҫҫӗ.
Алёна Артёмкина, Виолетта Александрова
