Кашни регион ӳкерчӗкӗ хӑйнеевӗрлӗ. Маҫтӑрсем пир ҫинче ахаль чухнехи пек йӗппе тата ҫиппе кӑна мар, тӗрлӗ япала усӑ курса тӗрленӗ. Карттӑна хатӗрлеме йышӑнсан, ҫӗршыври субъектсене хӑйсен тӑрӑхне эрешлесе Чӑваш Ене ярса пама ыйтнӑ. Пирӗн пата килнӗ пайсене "Паха тӗрӗ" фабрикӑра пухнӑ. Карттӑна хатӗрлеме Калининградран пуҫласа Камчатка таран 200 ытла маҫтӑр хутшӑннӑ. Пухӑннисене Республика Пуҫлӑхӗ Олег Николаев тата Раҫҫей халӑх артисчӗ Надежда Бабкина саламларӗҫ. Пӗтӗм региона пӗрлештерекен ӗҫ кӗтнинчен те илемлӗрех пулса тухни пирки каларӗҫ.
Алена Артемкина, Игорь Ульянов
