Пӑр керменне лӑк тулли халӑх пухӑннӑ. Уявӑн пысӑк хӑнисем хальхинче - ачасем. Сценӑна та, куракансен залне те пӗр вырӑн хӑварми йышӑнчӗҫ вӗсем. Ҫулталӑка пыракан чаплӑ уява уҫма йыхрав яни - ҫамрӑк артистсемшӗн хӑйех пысӑк ҫитӗнӳ пек. Ҫакна ашшӗ-амӑшӗ те палӑртать.
Ҫитӗнекен ӑру пинӗ-пинӗпе пӗр тӗлте пухӑнни республикӑра тахҫантанпах пулманччӗ. Спортсменсем, музыкантсем, художниксем, шырав отрячӗсен хастарӗсем. Кашниех хӑйне евӗр пултаруллӑ. Паянхи кун ятарлӑ ҫар операцийӗнчи арҫынсен ывӑл-хӗрне те, сывлӑх енчен хавшакрах, тӑлӑх ачасене те тимлӗхсӗр хӑварман. Пухӑннисене Республика Пуҫлӑхӗ Олег Николаев саламларӗ.
Регион ертӳҫи палӑртнӑ тӑрӑх, ҫак ӗҫ-пуҫ тӗллевӗ - ҫамрӑксене пӗр вырӑнта пуҫтарасси кӑна мар, тӗрлӗ ял-хулари ачасене республикӑри аслӑ шкулсемпе, професси паракан пӗлӳ учрежденийӗсемпе паллаштарасси. Шупашкарта ҫак кун ачасемшӗн кӑсӑклӑ 200 ытла лаптӑк ӗҫлерӗ.
Алиса Александрова, Виктор Степанов, Андрей Шоклев
