Хӑранипе ыйхӑран вӑранса кайни пӗрре мар пулнӑ, тет юхӑннӑ хваттер хуҫи Роза Ефимова. Плитасем уйрӑлнӑ сас кашни ҫӗр тенӗ пек канӑҫсӑрлантарнӑ. Килӗнче 6 ҫул ҫакӑн пек шикленсе пурӑнать вӑл. Пӗтӗмӗшле илес пулсан, Роза Ефимован килӗнче кӑна мар, Ҫамрӑксен урамӗнчи 8-мӗш ҫуртри ытти хваттерсенче те ҫакӑн пек лару-тӑру, подъездсене кӗрсе тухма та хӑрушӑ, калса параҫҫӗ кӳршӗсем. Ҫурта 2014-мӗш ҫулта пурӑнма юрӑхсӑр тесе йышӑннӑ. Хӑй вӑхӑтӗнче ӑна шурлӑхра туса лартнӑран халӗ асапланнине сӑлтавлаҫҫӗ кил хуҫисем.
Ирина Николаева, Екатерина Храмкина, Игорь Ульянов
