Черетлӗ ӑмӑртӑвӑн тӗп парнине ҫӗнсе илессишӗн тупӑшма Нӑрваш Шӑхалӗнчи футбол уйӗнче 7 команда пуҫтарӑнчӗ. Турнира пуҫличчен вара сумлӑ хӑнасемпе ушкӑнсен ертӳҫисем тӑван ҫӗршывӑн Аслӑ вӑрҫинче пуҫ хунӑ ял ҫыннисене асӑнса лартнӑ палӑк умне чӗрӗ чечексем хучӗҫ.
Спортсменсем каланӑ тӑрӑх, ҫамрӑксен Кубокне ирттерни вӑл хӑй вӑхӑтӗнче тӑван ҫӗре фашистла Германирен хӳтӗленӗ, паян ятарлӑ ҫар операцийӗнче ҫапӑҫакан паттӑрсем умӗнче пуҫ тайни, хӑйсем те кирек хӑш самантра та ҫӗршывшӑн кар тӑма хатӗррине палӑртни. 7 ушкӑн йышӗнче Тутар Республикинчен килнӗ "Дрожжаное" команда та. Паснапуҫ тата Ҫӗнӗ Йӗлмел яшӗсенчен пухӑннӑскер нӑрвашшӑхальсен "Лава" ушкӑнӗн Раҫҫей, регион шайӗнчи ҫитӗнӗвӗсене сӑнасах тӑраҫҫӗ.
Тутарстансем мала тухаймарӗҫ пулин те Патӑрьел тӑрӑхӗнчи ҫӗньялсен ушкӑнӗпе иртнӗ тупӑшӑва пӗрешкел шутпа вӗҫлерӗҫ. Ӑмӑртӑва йышӑнакансем ҫӗнтерӳҫӗсен Кубокне никама та памарӗҫ. Ҫапла "Лава" черетлӗ хутчен хӑй чи вӑйлине кӑтартса пачӗ. Ҫӗнтерӗве вӗсем ҫӗршыв хӳтӗлевҫисене халалларӗҫ.
Алиса Александрова, Вячеслав Ильин
